Семейде май өндіретін жаңа завод бой көтеруде

167

Облыс әкімі Д.Ахметовтың Семейге жасаған соңғы сапардағы нысананың бірі майлы дақылдарды өңдеу бойынша салынып жатқан зауыт болды. Жаңа зауыт күн сайын 1000 тоннадан астам күнбағыс майын шығаратын болады.

Осыдан жарты жыл бұрын облыс әкімі бұл зауытта жұмыс сапарымен болған. Содан кейін нысанның құрылысы басталды. Бүгінде зауыттың көп бөлігі салынған.

– Біздің кәсіпорын ауыл шаруашылығы өнімін өндірушілері үшін мультипликативті экономикалық нәтиже береді. Зауыт облыс ішінде май өнімдерін сататын шаруалардың мәселесін толығымен шешуге және шикізаттың шетелге, әсіресе Қытай мен Өзбекстанға кетуін тоқтатуға мүмкіндік береді, – деді «QAZAQ-ASTYQ GROUP» ЖШС директоры Еркінбек Досқожанов.  – Бүгінде экстракция цехының металл құрылымдары аяқталды, олар Семей механикалық зауытында жасалған. Май престеу цехында ескі жабдықтар бөлшектелді. Жылыту үшін негізгі шикізат-лузга. Құрылыс бойынша барлық негізгі жұмыстар аяқталды, қазір құрылымдар мен жабдықтарды монтаждау жұмыстары жүріп жатыр.

Даниал Ахметов өңдеу секторының кәсіпорындарын дамыту біздің мемлекетіміздің дамуына ықпал ететінін атап өтті.

– Мен осыдан жарты жыл бұрын осында келген кезде мұнда ештеңе болған жоқ. Дегенмен, біз бүгін қысқа уақыт ішіндегі өзгерістерді көріп отырмыз. Қайта өңдеу секторының мұндай кәсіпорындары мемлекетіміздің дамуы үшін өте маңызды, өйткені мұнда ішкі сұраныс мәселесі шешілуде. Бұл жерде атқарылып жатқан жұмыстар Президентіміз Қасым-Жомарт Тоқаевтың тапсырмасын жүзеге асыру болып табылады. Өндірілген өнім Қазақстан нарығында ғана емес, Қытай Халық Республикасы, Ресей Федерациясы нарығында да сатылады. Сәйкесінше, зығыр, рапс және күнбағыс егіс алқабы кеңейтіледі, – деді ШҚО әкімі. Нысанды осы жылдың желтоқсан айында пайдалануға беру жоспарлануда. Ол өсімдік майын өндіретін алдыңғы қатарлы кәсіпорын болады. Сонымен бірге, мұнда 250 жаңа жұмыс орны ашылады.

«Жерұйық»-ақпарат»

Пікір қосу

Пікіріңізді енгізіңіз!
мұнда атыңызды енгізіңіз