Дубай даңқы тағы да аспандады. Араб әмірлігінің флористері әлемдегі ең үлкен гүлзар-ұшақ жасап, Гиннес Рекордтар кітабына кірді. Emirates компаниясының А380 лайнері түрінде жасалған гүлзарға 500 мың өсімдік отырғызылыпты. Бұл туралы 31-арна хабарлады.
Бұл қызықты іске мамандар жарты жылын сарп етіп, 50 тонна бетон мен 30 тонна болат жұмсаған. Флористер оған гүлдің сан түрін отырғызған, енді жақсы күтімнің арқасында таяу уақытта ұшақтың үстінде 5 миллионнан астам гүл жайқалып тұрмақ. Көздің жауын алатын ерекше құрылығы Дубайдың таңғажайыптар бағында орналасқан. Ботаникалық ұшақтың ұзындығы 73 метр, ал биіктігі 20 метрге жуық.
Видео: ecoglobalnews.info
