«Қыз Жібек» фильмін түсіру барысында ежелгі руна жазуларын көрсету қажет болады да, Құман Тастанбеков тасқа өзі қашап жазады. Кейіннен оны ғалымдар тауып, ежелгі руна жазуы деп дәлелдеген.
Тіпті, 1972 жылы қойтастарды Алматыға әкеліп, көрме ұйымдастырылған, деп хабарлайды bmtv.kz
«Қыз Жібек» фильмі түсірілгеннен кейін араға 45 жыл сала адам таңқаларлық әрі күлкілі қызық жағдай болды. Осы кинотуынды түсірілген алаң маңындағы ауыл тұрғындары: «Біздің ауылдан мынадай білезік, мынадай сауыт» табылды деп «жәдігерлерді» мұражайға тапсыра бастапты.
Жарайды қарапайым ауыл қазағына кешіріммен қарауға болады ғой. Тауып алған «жәдігерін» жаңалыққа балап, ауданға апарып тиісті орынға тапсырған шығар. Ең масқарасы, осы жерде ғалымдар шатысып «сенсация» жасап жіберді.
Алматы облысында руна жазулары табылып, Ғылым Академиясының бірнеше ғалымы «бұл ескі жазулар» деп қорытынды жасағасын үлкен жаңалыққа айналып шыға келді. КСРО бойынша орталық газеттер мақала, телеарналар бағдарлама түсіреді. Ол қойтастарды 1972 жылы Алматыға салтанатты түрде жеткізіп, қала көшелерінде халық тамашалауға жиналып, ауқымды шара өткен. Сөйтсе, кейін белгілі болғандай бұл руна жазбалары сан ғасырлардың емес «Қыз Жібек» фильмін түсіруге керек деталь ретінде ғана тасқа қашалып жазылған. Төмендегі видеодан сол тастағы жазбалардың бірін Төлеген рөлінде ойнаған Құман Тастанбековтың өзі қашап жазғанына көзіңіз жетеді.