Халықаралық Ақпараттандыру академиясының академигі, Мәдениет қайраткері, публицист-жазушы Шархан Қазығұл Ақтөбе облысының әкімі Бердібек Мәшбекұлы Сапарбаевтың (1953 жылы 9 ақпанда Қызылорда облысының Жаңақорған ауданының Бесарық ауылында дүниеге келген) туған күніне орай “ерекше стилдегі баяндамасын” жариялады,-деп хабарлайды “Жерұйық” порталы.
Берен басшы Бердібекке «Б»-дан бедерленген бір бет баяндама
Біссіміллалап бастайық, бағаналы байтақ Батысымызды біліктілікпен биязы басқарып, берекетке бөленген, беделді, белсенді, берекелі, белді, белгілі Бердібек баһадүрге бұқараның берер бағасы да, батасы да баршылық. Бұлай бейнелейтініміз, бұқараға бүкпесіз бүтіндей бүйрегі бұратын Бекең – бейнетке бағзызаманнан бетін берген берек те берен басшы. Басқару баспалдақтарының барлық барьерлерін байыппен бағындыра білген байламы берік Бекең басыбайлы бастамашылдығымен баршаны батпан батагөйлігімен болашаққа бастап барады.
Бесікте-ақ буыны бекіген, болаттай берік Бекең – бұқараның бағына байланғанын бұлдамайды, бұқараның басындағы батпаннан бұлтартпайды, бұқараның бұйымтайын бұлжытпай бітіруге баяғыдан бейімделген басшы. Басты белестерімізде басымызды биікке бағыттаған Бекең бұғалығын басқаларға бұрып, біздің бәрімізді бір бүйіріндегі бауырларына балайтынын баяғыда-ақ басқаларға білдіртпей байқататын. Бойынан бейқамдылық байқалмайтын Бекеңнің бейкүнә бейнесінен бейбітшілікке бейімділіктің барлық белгілері білінетінін баршаңыз білесіздер!
Бұйығылыққа, біржақтылыққа, боскеуделікке, бойкүйездікке, боссөзділікке бойын бұрмаған Бекең баяғыдан бекзаттылығымен бедерленеді. Бейтарап Бекең – баққұмарлыққа да бармай, бақталастыққа да бой бермеген басшы. Босағасы берік Бекең бағасын білмейтіндерге бекерден бекер бақшасын бүлдіртпейді. Болмыс-бітімі бөлек, бірсөзді, біртоға, Бірінші Басшысымен біртұтас Бекең бүгін де бедерлене береді.
Бекең – байсалды да, байыпты бабындағы батыр. Биографиясын бюджеттік бақылау бөлімінің бастығы болып бастаған Бекең бүгін бір белестен бір белеске беттеп барады. Бағытыңыз бұрыс болмағай, Беке!
Бекеңе басты бата: Бауырларыңызға беделіңіз, байсалдылығыңыз, білгірлігіңіз, болжамшылдығыңыз, біліктілігіңіз, балажандылығыңыз, басқасының бәрін былай бұрғанда, бейбітсүйгіштігіңіз береке бергей.
Бақытты болыңыз, Беке! Бауырыңыз бүтін болсын!
Әлеуметтік желіге хабарлау
