Бүгін «Нұр Ақтөбе» шағын ауданында 30 ақтөбелік отбасы қоныс тойын тойлады. Пәтер кілттерін Ақтөбе облысының әкімі Бердібек Сапарбаев және Тұрғын үй құрылыс жинақ банкінің басқарма төрағасы Айбатыр Жұмағұлов табыс етті.

Бұл жерден барлығы 270 адам баспана алады. «Нұр Ақтөбе» шағын ауданындағы 3 көпқабатты үй 2020 жылға дейінгі өңірлерді дамыту бағдарламасы аясында салынды. Әрбір шаршы метрдің құны — 100 мың теңге шамасында. Жыл соңына дейін осы үйлерге 540 адам қоныстануы тиіс.

Облыс әкімі Бердібек Сапарбаевтың айтуынша, өңірде 580 мың шаршы метр баспана салынады.

— Баспана үшін кезекте тұрғандар саны азаяр емес. Облыста 24 мың адам үй кезегінде тұрса, оның 18 мыңы Ақтөбе қаласында тіркелген, — деді Б.Сапарбаев.