Баян-Өлгейдегі табиғат апатының зардабы, әсіресе, барша Алашты алаңдатып отыр. Қайраңда қалған қандастарымызға қабырғасы қайыспаған қазақ кемде-кем. Қазақстан Үкіметі басшысының сапарын да әрі-сәрі сілкілегендер аз емес. Кімнің қолынан не келеді, ешкім тартынып қалған жоқ. Әйтеу, әлеуметтік желі алқымынан демалып тұр…
Еңбастысы, елдігіміздің сынға түскен шағында шарқ ұрып, шамалары келгенше белсенділік танытқан жекелеген адамдар қатарының қалың болғандығы. Соның бірі астаналық Аятжан Ахметжан бастаған топ болса, келесісі белгілі журналист Берік Уәли. Аятжандар қалың бұхараны қайырымдылыққа шақырып, көптің аманатын арқалауға тәуекел етсе, Берік әріптесіміз қазақтың қара домбырасын атандырмақ. Қаражат керек жерге қара домбыраның жол тартуының да өзіндік себебін айта кетелік.
Қобда маңындағы лай тасқыны бүлдірген көріністердің арасында қақ ортасынан сынған, шегі үзілген домбырасын құшақтаған кішкене баланың суреті талай жанды тебірентіп тастағаны аян. Көптің көңілін босатқан картина Берік Уәлидің де жүрегін солқ еткізген. Астанадан шалғайда жүрсе де ұлтжанды азамат «Жеті өнер» жетекшісі Ерасыл Қасықбай арқылы Аятжан тобына домбыра беріп жіберген екен. Сөйтіп, «Жеті өнердің» «дастарханы» мен Беріктің беу домбырасы Аятжан бастаған топ жинаған сыйлы сәлемдемелердің қатарына енген. Бекеңнің сәлемдемесін ырымдап «Беріктің беу домбырасы» деп атағым келді. Ондағы ой бұл домбыраға 1990 – жылдардың басында сол өңірден Кәп әулеті бастаған қаншама көштің жол ашарына айналған Қатимолланың Қарагерінің жолын берсін деген тілек!
Айтар ой мен қалған сөз түсінікті болуы үшін Берік пен Аятжан парақшаларынан үзінді келтіре кетейік.
Берік Уәли 14.07.16. 17:47 Instagram
Мына баланы танымаймын. Бірақ, менің бауырым ол. Өйткені, ол – Қазақ! Бүлдіршіннің домбырасы бүлініпті. Ішегі үзіліп, тиегі сыныпты. Бірақ, оның үміті үзілген жоқ. Арманына жетсін, он саусағынан өнер тамған күйші болсын деп домбыра атадым оған. Жігіттер жеткізіп берер. Бауырым, арманыңа жеткейсің!
Баян-Өлгейдегі селден зардап шеккен бауырларымызға көмегімізді аямаспыз. Дегенмен, осы сурет көңілімді алай-дүлей етті. Осы баланың аты-жөнін білетіндер хабарласса екен деймін.
Аятжан Ахметжан Фейзбук. 15.07.16.
Бір есеп беріп қояйын, бүгін біраз атымтай жомарт жігіттер қол созып жатыр, кімнің атынан қайдан келіп жатқанын компютерден көріп отырмын. 500 теңгеден бастап біраз сумаға дейін түсіп жатыр…
Халық банк: 1 096 945 теңге.
Счет Qiwi 156 002 теңге.
Қолға: 109 000 теңге.
Даниядағы қандастар: 1000 доллар
Ирландиялық қандастар: 600 доллар
Германиядан қандастар: 100 еуро
Жалпы: 1 920 547 теңге жиналды!
Осы барыста барша жүрегі қазақ деп соққан барша азаматтарға, ақпарат министрлігіне, Қазақ күресі федрацисиясы, қазақстан барысы қоры, Сарсен Құранбек ағаға, Егемен Қазақстан газеті басшысы Дарқан ағаға, 24кз ұжымына, Асыл арна директоры Мұхаметжан ағаға, барша ақпаратты таратып көмегін жасап жатқан қауымға бір сөзбен айтқанда күллі қазаққа рахмет.
Айтпақшы, мынау Берік ағамның домбарсы, бұл да келді… «дастарханнан» дəм келді, бір жазушы бауырдан кітап келді…
Шүкір Аллаға қазағымның берекесі! Аудару әлі жалғасуда:
Халық Банк: 4402 5775 0180 1032
Виза басқа банк шоттарынан тіке аударуға да болады.
ИНН: 860718399050
Киви: 87029318008
«Жерұйық» – ақпарат
