Филиппин Президенті Родриго Дутерте жемқорлардың барлығын тікұшақтан жерге лақтырып жіберетінін айтты, деп хабарлайды Baq.kz.
Дутертенің бұл сөзі қалжың болмаса керек, өйткені ол бұған дейін қызды зорлап өлтірген Қытай азаматын тікұшақтан тастап жіберген екен.
«Егер құлқындарыңды ойлағанды қоймасаңдар, бәріңді тікұшаққа отырғызып, Маниланың жолында лақтырып кетемін. Бұған дейін олай істеп көргенмін, неге қайта қолға алмасқа?», – деді президент.
The Philippine Star газетінің жазуынша, бұдан бұрын Дутерте Давао қаласының мэрі болып тұрғанда есірткі саудалаған қылмыскерлерді өз қолымен өтіргенін мәлімдеген.
Родриго Дутерте Рождество мерекесіне орай бейнеүндеу жасап, есірткі тасымалдаушылар мен ұрылар заңды бұзғанын қоймаса, бұл олар үшін соңғы Рождество болатынын ескертті.
