1917 жылғы төңкеріс жеңіп, патша үкіметі құлағаннан кейін, Қазақстанда Алаш партиясы құрылды. 1917 жылы 5-13 желтоқсан күндері Орынбор қаласында өткізілген II жалпықазақ съезіне Шәкәрім айрықша арналып шақырылды. Қазақ-қырғыз автономиясы – Алаш үкіметі 1918 жылы қаңтар айында Семей қаласында орналасты. Шәкәрім – Алаш үкіметінің қазысы яғни биі болды.

Шәкәрім

«Өткен июль жұлдызының 21-інде басталып, Орынборда барша он облыс қазақтың съезі болып, 26-сында тарқады. Бұл съезд барша қазақ болып бас қосқан Алаш ұлына зарын өткізген, сағынтып, көз етін сарғайтқан кеңес еді. Біз Алаш болып, ақыл біріктіріп, іс қылмақ түгіл, азып-тозып, бір ауыл ақылымызды бір жерге қосудан да қалған ел едік һәм ескі хүкімет кезінде бас қосу еркімізден де шығып кетіп еді.
Қазақ боп бас қосқандағы мақсат – бет пен ниетті қазақ боп біріктірсек, саны бар, сапасы жоқ болмай, күшейіп көркейеміз дегендік».

Шәкәрім. «Сарыарқа». 1917 жыл.