Дүйсенбі, 5 ақпандағы метеорологиялық жағдайлар еліміздің 10 қаласының атмосферасында ластаушы заттардың жиналуына ықпал етеді, деп хабарлайды «Қазгидромет». Синоптиктердің болжауынша, қолайсыз метеожағдайлар Өскемен, Ақтөбе, Астана, Қостанай, Қызылорда, Көкшетау, Петропавл, Талдықорған, Тараз және Шымкент қалаларында ауада ластаушы заттардың шоғырлануына ықпал ететін болады.
Ауаның ластануына болжам жасауда атмосферадағы зиянды (ластаушы) заттардың жиналуына ықпал ететін метеорологиялық факторлар, атап айтқанда, желсіз ауа, баяу жел, тұман, инверсия ескеріледі.
