Бейсенбі, Наурыз 1, 2018
Негізгі > Жаңалықтар > Ел-жер > Сауда үйінде өрт шығып, 70 адам қауіпсіз жерге шығарылды

Сауда үйінде өрт шығып, 70 адам қауіпсіз жерге шығарылды

“Жанна” сауда үйінде өрт болып, 70 адам қауіпсіз жерге шығарылды, – деп хабарлайды Tengrinews.kz тілшісі Алматы ТЖД ресми өкілі Сандуғаш Баймұхамбетоваға сілтеме жасап. Өрт туралы 11 қаңтар,  сағат 16:40-та белгілі болды. 

ТЖД пультіне Алмалы ауданы, Абай даңғылында орналасқан “Жанна” сауда үйіне қарасты жеке тұрған ғимаратының жертөлесі түтіндеп жатқаны туралы хабарлама келіп түскен. “Шақырту түскен орынға алғашқы бөлімше 16:52-де жетті. Өрт сөндірушілер тыныс алу мүшелерін қорғауға арналған аппарат қолдана отырып, ғимаратта адам барын тексеріп шықты. 70 қауіпсіз жерге шығарлды. Сонымен қатар, өрт ошағын анықтау жұмысы жүргізілді”, – дейді баспасөз қызметінің өкілдері.

17:05-те өрт ауыздықталып, 17:14-те толықтай өшірілді. “Өрт аумағы үш шаршы метр болды және кеңсе техникасы тұтанған. Зардап шеккендер жоқ. Өрт сөндіруге 45 адам, 4 негізгі және 13 арнайы техника тартылды”, – деп нақтылады баспасөз қызметінің өкілдері.

0
Authorization
*
*
Registration
*
*
*
Password generation