Бүгін халықаралық балаларды қорғау күні. «Біз барлығымыз да балалық шақтанбыз» – демекші, бүгінгі мерекемен барлықтарыңызды құттықтаймын!
Бүгінгі балалар мерекесінің мәні де балаларға барынша қамқорлық көрсетіп, ата- аналардың, үлкендердің, жалпы қоғамның балалар алдындағы жауапкершілігін терең сезініп, жеткіншектеріміздің құқықтарын шектемеу. Біздің балалалардың құқығы толық сақталуда ма? Өз ұлтының салт-жораларын ұстануы қандай? Ана тілінде сөйлеу құқығынан айырылғандардың обалы кімде?
Елімізде 1994 жылғы 8 маусымдағы Қазақстан Республикасы Жоғарғы Кеңесінің қаулысымен Нью-Йоркте қабылданған 1989 жылғы 20 қарашадағы Бала құқықтары туралы Конвенция ратификацияланған.
Сол БАЛА ҚҰҚЫҚТАРЫ ТУРАЛЫ КОНВЕНЦИЯНЫҢ 30 бабында «Этникалық, діни немесе тілі жөнінен немесе жергілікті халық адамдары жөнінен азшылық болған мемлекеттерде, сондай-ақ азшылық топқа немесе жергілікті халыққа жататын бала өз тобының басқа мүшелерімен бірге өз мәдениетін пайдалану, өз дінін тұтынып, оның салт-жораларын ұстану және ана тілінде сөйлеу құқығынан айырылмауға тиіс.»- деп жазылған
Бір қараған адамға бұл заманда адам жанынан басқаның бәрі бар. Қарын тоқ, көйлек көк. Уайымдайтын несі бар. Балалар да бақытты, әлем балалары көргенді көріп, өзге жұрттың балаларындай өсіп жатыр дерміз. Бірақ біздің балаларымыздың көп сәттерде өзін тануы кемшін соғып, өз ұлтының асыл құндылықтарын бойына сіңіруі көңілдегідей болмай жатуы көпшілігімізді ойландырады.
Ұлттық болмысын сақтай алатын, шыққан тегін, ұлықты ұлтын сыйлайтын, жөнсіз еліктеу- солықтаудан ада, намысты, адамдық қадір-қасиеті биік, білімді ұлт ұрпағын қалыптастыруға атсалысайық.
Балаларымызды ұлттыұ құндылықтарын, салт-дәстүрін, ана тілін білмей өсуден қорғайық!
