Семей шаһарында Тәуелсіздігіміздің 25 жылдығына орай спорт академиясы бой көтерді. Академияның ашылу салтанатында ШҚО әкімі Даниал Ахметов пен Олимпиада ойындарының үш дүркін жүлдегері Ольга Рыпакова құттықтау лебіздерін білдірді,- деп хабарлайды zheruiyq.kz.
Академияға облыстың ауыл-аймақтарынан балалар іріктелініп алынып, дзюдо, самбо, грек-рим және еркін күрес сынды спорт түрлерімен жаттығатын болады. Ал оқу-жаттығу жұмыстарын Ресей, Моңғолия, Әзербайжан елдерінен келген білікті бапкерлер жүргізетін болады.
Академияның іріктеу жұмыстары оқу жылының басынан соңғына дейін жүргізіледі. Тек үміткерлерге қойылатын талап: облыстық, республикалық сайыстардың жүлдегері болуы шарт.
Әлеуметтік желіге хабарлау
