Семейде биыл «Қарағайлы» деп аталатын жаңа шағын ауданның құрылысы басталады.
Жоба Шығыс Қазақстан облысының әкімі Даниал Ахметовке таныстырылды. Осы жылы онда 10 шақты көпқабатты тұрғын үй салу көзделген. Әрбір нысанда міндетті түрде көлік тұрағы қарастырылады.
Сонымен қатар, жаңа шағын ауданда әлеуметтік нысандар да көптеп салынбақ. Солардың бірі – 5 мың адамға арналған «Абай Арена» демалыс және спорт кешені.
«1 жылдан кейін осы қаланың 300 жылдық тойы болады. Сол себептен Елбасы, Президенттің тапсырмасы бойынша біз бірсыпыра жаңалықты осы елге, осы қалаға әкелеміз деп отырмыз. Абаттандыру жұмысын көрдіңіз бе, жақсы болады. Содан кейін жол жөндеу жұмысы, оған да қосымша 1 миллиард бердік. Абаттандыру жұмысына жарты миллиард қосайын деп жатырмыз», – дейді Шығыс Қазақстан облысының әкімі Даниал Ахметов.
Әлеуметтік желіге хабарлау
