ЭКСПО көрмесінің басты нысандарының бірінде шытынаған терезелер әлдеқайда көп болып шықты – түрлі қабаттарда орналасқан әйнектер жан-жақтан шытынап кеткен деп хабарлайды NUR.KZ. Олардың сөзіне сенсек, жарықшалардың пайда болуына сол жердегі жұмысшылар кінәлі екен. Жұмысшылар техникалық жұмыстар жүргізу барысында арнайы құрылғыларды пайдаланып, шыныны зақымдап алған.
Біткен іске сыншы көп… Сын түзелмей, мін түзелмес. Бірақ, «Foreign Policy(Сыртқы саясат)» сияқты шетелдік БАҚ-пен жағаласып жамандағанымыз жарамас. Бұл суреттер экспо басталмай тұрып сызат алған суреттер болуы да мүмкін, ал салтанатты ашылуына дейін бұл сызаттар қайта жөндеуден өтуі міндетті ғой.
Бұл суреттерді көргеннен кейінгі оқырмандардың көңіл күйі қалай болатынын білмеймін, бірақ, мәселе әйнектің шытынап кетуінде емес, ол неге оңай шытынап кете береді? Біз дамушы елдің қатарында болғандықтан әлі жасайтын жетістіктеріміз бен жіберетін қателіктеріміз алдыда сияқты. Сондықтан сабырлы да салмақты ой мен сөзге тоқталайық. Кешегі қадір түнінде тілеген тілектеріңіз оңынан болғай! Әйнектің шытынағаны түк емес, халық шытынамаса болғаны…
Ж.Айқын
