Қазақстанда ең үлкен сұранысқа ие АИ-92 маркалы бензин бағасы қымбаттады.
Жанармайдың бұл түрі “ҚазМұнайГаз” бекеттерінде 1 литрі үшін 137-ден 139 теңгеге дейін өссе, АИ-95 маркалы жанармай 150 теңгеден сатылып жатыр. Ал, Sinooil жанармай құю бекеттерінде АИ-92 маркалы жанармай бағасы 140 теңгеге дейін шарықтаған. АИ-95 болса 1 литрі үшін 152 теңгеден сатылып жатыр. Ал, Helios бекеттерінде АИ-92 – 138 теңге, АИ-95 – 150 теңге тұрады. Бағаның айтарлықтай шарықтауы “Аурика” жанармай бекеттерінде тіркеліп отыр. Мұнда 1 литр АИ-92 маркалы бензиннің бағасы бірден 145 теңгеге дейін өскен. АИ-95 болса 161 теңгеден сатылуда.
