Лондонда әлемге әйгілі «Биг-Бен» мұнарасы жаңғыртылып жатыр. Жөндеу жұмыстары 3 жылға созылуы тиіс. Жоба құны 29 млн стерлинг фунтты құрайды. Бұл шамамен 42 млн АҚШ долларына тең. Айта кеткен жөн, «Биг-Бен» Лондонның маңдайға тұтып, мақтаныш етер ерекше орындарының бірі саналады. Тарихи нысан талайдан бері жөндеу көрмеген екен.
Соның кесірінен, 2015 жылдан мұнара сағаты қалып кете береді екен. Сол себепті уақыт белгісінің тетігін жөндеп, мұнараның өзін қалпына келтіру жөнінде шешім қабылданған.
Сәулетші Адам Ватробскийдің айтуынша алдымен сағаттың өзін қалпына келтіреді, одан жаңа лифт орнатылады екен. Бұл туралы 24-арна хабарлады.
