Шығыс Қазақстанда ірі төрт ауыл шаруашылығы жобалары іске асырылады деп жатыр. Мысалы, Семей қаласында тәулігіне 1000 тонна өндіретін май-экстракциялық зауыты, Глубокое ауданында осындай ірі екі цех салынады, Шемонаиха ауданында май тұқымын ұқсататын кәсіпорын қайта жаңғыртылмақ.
Осы шаралар Шығыс Қазақстанда өсірілетін бүкіл күнбағыс өнімін өзімізде өңдеп, ұқсатуға мүмкіндік бермек. Елімізде өндірілетін күнбағыстың 66 пайызы, басқа да май дақылдарының 23 пайызы Шығыс Қазақстанның үлесіне тиетінін айта кету керек. Жаңа кәсіпорындардың қуаты шикізатты тіпті көршілес Ресейдің Алтай өлкесінен де тартуға итермелейді.
Облыс әкімі Д.Ахметов фермерлер тек күнбағыс қана емес, сонымен бірге соя, рапс, зығыр, жүгері тәрізді жоғары рентабельді дақылдардың егіс алқабын барынша көбейту керек деп отыр. «2025 жылға қарай біз сояның егісін жеті есеге, жүгері егістігін бес есеге ұлғайтуды жоспарлап отырмыз»,-деп мәлімдеді Ахметов мырза.
«Жерұйық»-ақпарат»
