- Хан баласында қазақтың хақысы бар еді, Тірі болсам, қазаққа қызмет қылмай қоймаймын.
- Халық ісін жөнге салуға көп ақыл, көп қызмет, көп жылғы шебер істеген әдіс керек.
- Байлық түбі – ақыл һәм қол ұсталығы. Осы екеуі қосылмай адам баласы қазынаға жарымайды.
- Біздің қазақ жерді меншікті қылып алса – башқұртша көріп мұжыққа сатып, біраз жылда сыпырылып жалаңаш шыға келеді.
- Еуропада халық партия болғанда адаспас ақ жол табамыз деп, адам аспас асқар белден асамыз деп, жұрт ілгері басатын іс қыламыз деп таласады.
- Қазақ сайлауы – жұртқа келген бір жұт: сайлау жылы мал бағусыз, егін салусыз, пішен шабусыз қалады.
- Біздің қазақ-қырғыз дін ісін көркейтетін болса – үкімет ісін бөліп қойған оң болады.
- Біздің жұрт бостандық, теңдік, құрдастық, саясат ісін ұғынбаса, тарих жолында тезек теріп қалады.
- Байлық басы көпке байлаулы емес – базарда ақша болатынға байлаулы.
- Француз, орыс һәм өзге жұрттың тарихынан көрінеді: молда үкіметтей ақша алса – сатылып кетеді. Рухани іс аяқ асты болады. Жалақы алған молдалар үкіметке жетекшіл болып, еріп кетеді.
- Дүниеде не болса да бірте-бірте аздап ілгері басып болады.
- Талас-тартыс жоқ болса – өмір абақтыға айналар еді.
- Жұрт пайдасына таза жолмен тура бастайтын ер табылса – қазақ халқы соңынан ерер еді.
- Әр замананың өз рәсімі, өз салты бар.
- Байлықты өнермен, шаруамен, қызметпен іздер болар.
- Жер десе дірілдемей болмайды: жер мәселесі – өмір сүру мәселесінің зоры.
