Канаданың Қазақстандағы төтенше және өкілетті елшісі Шон Стайл Семей қаласына келген арнайы іссапар барысында Абайдың «Жидебай-Бөрілі» мемлекеттік қорық-мұражайына келіп ұлы ақын рухына тағзым етті,-деп хабарлайды Жерұйық сайты мұражай баспасөзіне сілтеме жасап.
Мәртебелі қонақ музей экспозициясымен танысты. Экскурсия барысында Абайдың өлкетану музейіне тапсырған заттары, архив деректері, Шыңғыстау өңірінің табиғаты мен тарихи жерлері бейнеленген белгілі қылқалам шеберлерінің туындылары ерекше қызығушылық танытты. Мәртебелі қонақ «Зерде» кітабына өз колтаңбасы мен ізгі тілектерін қалдырып, музей ұжымына алғысын білдірді
