Мемлекет басшысы Н.Назарбаев «Қазақ елі» кинофильмінің көрсетілімін тамашалады, деп хабарлайды «Жерұйық порталы» Ақордаға сілтеме жасап.
Бұл киноэпопеяның идея авторы Елбасы Н.Назарбаев. Кино Шәкен Айманов атындағы «Қазақфильм» акционерлік қоғамының киностудиясында түсірілген.
Қазақстандық жаңа тарихи кинотуындыға қазақ әдебиетінің классигі Ілияс Есенберлиннің «Көшпенділер» трилогиясының бірінші кітабы – «Алмас қылыш» романы негіз болған. Фильмдегі оқиғалар XV ғасырда өрбиді. Оған Жәнібек пен Керей хандар тұсындағы қазақ мемлекеттілігінің қалыптасуы барысындағы басты оқиғалар арқау болады.
Көп сериялы тележоба жұмысына республикадағы танымал киноматографистер – қоюшы режиссер Рүстем Әбдірашев, сценаристер Смағұл Елубаев пен Тимур Жақсыбеков атсалысты. Жалпы, бұл фильмді түсіру жұмысына 500 адам тартылған. Taylor Gabriel Womens Jersey
