Танымал әнші Сәкен Майғазиев аялдамада қоғамдық көлікті тоңып күтіп қалған жұртты өз көлігімен тасып жүр. Бұл туралы ол арналарға берген сұхбаттарының бірінде айтты.
«Аялдамада тұрған адамдарды аяп кетем. Кейде жолай соғып алып кетем. Кейбір адамдар түсінбей, таңырқап қалады. Таксист болып жүр деп ойлап қалады. Бірақ мен айтамын, ешнәрсенің керегі жоқ, отырыңыз деп.
Біздің үйден Әл-Фараби даңғылына дейін ешқандай көлік тоқтай қоймайды. Ал жолай болса, тіптен жақсы, қалаған жерлерінен түсіріп кетем. Өзіміз де аспаннан салбырап түскен жоқпыз.Талай туфлимен қысты өткізген күндеріміз де болды ғой”, – деді әнші.
Мұны естіген желі қолданушылары оның мейірімділігіне тәнті болып, оған тек жақсылықтар тіледі.
