Мейрамхат Кәрібекұлы Айнабеков есімі арыға бармасақ та Шығыс Қазақстан өңіріне етене таныс. Ұзақ жылдар атқарушы билікте түрлі қызметтер атқарған ол кей жылдары бизнес саласында да табысты еңбкек атқарды. «Каполиграф» АҚ директорлар кеңесін басқарды. Бүгінгі таңда «Семей инженеринг» АҚ Бас директоры болып отырған ол 2007-2011 жылдары Семей қаласы әкімі лауазымында болды. Әсіресе, осы жылдарда Айнабеков абыройы Алаш жұрты алдында асқақтап сала берді. Бұл абырой әкім болғандығынан емес, халыққа жақын болғандығынан. Ел көңілін өзіне аударған айтулы ісінің бірі – Семей көшелерін абаттандырудағы айрықша еңбегі.
Міне, содан бергі аралықта Мейрамхат Кәрібекұлына деген көпшілік көңіліндегі ілтипат әлі тарқаған емес. Соның бір дәлелі – Тәуелсіздігіміздің 25 жылдық мерейтойына орай «Парасат» орденімен марапатталған Мейрамхат Айнабековтің мерейлі сәтіне әлеуметтік желідегі әлеумет қуана қол соғып жатыр.
«Нұр Отан» партиясының Семей қалалық филиалы да Мейрамхат Кәрібекұлын кезекті мемлекеттік наградасымен құттықтап, еңбегіне жеміс, қызметіне табыс тілейді. Өңіріміздегі «Нұр Отан» партиясының мүшелері М.Айнабековты филиалдың бұрынғы жетекшісі әрі бүгінгі қолдаушысы ретінде де жақсы білетіндіктен азаматтың алған наградасын әбден лайықты деп есептейді. Ел алдындағы абыройыңыз арта берсін!
Құрметпен, «Нұр Отан» партиясының Семей қалалық филиалы
