Қытайдағы «Singer 2017» ән байқауында қазақтың қара домалақ әнші ұлы Димаш Құдайбергенов жарты жаһанды аузына қаратып, байқаудың 3-кезеңінде де Queen тобының «The Show Must Go On» әнін орындап үздік өнер көрсеткеніне куә болдық. Келесі кезекте Димаш қытайша ән шырқайды,-деп хабарлайды «Жерұйық» тілшісі.
Қытайлық БАҚ-ның хабарлауынша, төртінші кезеңнің түсірілім жұмыстары 2 ақпан күні аяқталған. Бастапқы үш кезеңде жалпы есепте бірінші орыннан көрінген жерлесіміз төртінші кезеңде де үздіктер қатарынан көріну үшін қытайша ән шырқап көруді ұйғарған. Ол енді гонконгтық Джеки Чун Хок-Яудың репертуарынан «Қоңыр күз» әнін орындайды. Джеки – Қытай эстрадасының жарық жұлдызы. 90 жылдары жеке альбомының сатылымы бойынша Майкл Джексоннан кейінгі екінші орынды иеленген.
PS. Қай әнді, қай тілде орындаса да қазақтың қара домалақ әншісін тек биіктерден көрейік,-деген тілек білдіргіміз келеді. Сенің жүрегің тек қазақ деп соғады. Алға, Димаш! Emmanuel Lamur Womens Jersey
