Сурет сөйлейді деген осы. Бұл суретті Жолымбет Мәкіш өзінің ФБ парақшасына жариялапты.
Парақша иесі суреттің астына былай деп жазған екен:
«1929 жылы Қарқаралы жақта түсірілген сурет екен. Қойдың сүті сиыр сүтінен әлдеқайда майлы, құнарлы болып келеді. Халық оған сондықтан «қойдың сүті қорғасын» деп баға берген. Бұрын ауылда қойды қазақтың ескі салтын білетін көнекөз қариялар сауып жататын. Олардан соң осы дәстүр сабақтастығы үзіліп қалды. Қою сүтке аздап су қосқанын да көрдік. Ондайды «сүмесін» деп атайтын. Осыған байланысты «сүтке су қоссаң, сүмесін болады, сөзге сөз қоссаң, сүйесін болады» деген мақал шыққан. Сүме деп ертеде малдың желіні мен емшегін айтқан екен…»
Осындай суреттердің интернет бетін баурап алуы жақсы құбылыс. Бұндай құнды суреттер әрбір қазақ жанұясында бар шығар деген ойға да қаласың. Бір қызығы, желі пайдаланушылары осы жазбаға өздерінің балалық шақтағы тамаша естеліктерін жазып, біреу білсе, бірі білмейтін, ел ішінен ұмыт бола бастаған Шопан мен Сексек ата қазынасының қазақ қоғамындағы алатын орны мен қазақтың малшылық өнерін сағына еске алып жатыр.
Амантай Тойшыбайұлы есімді ФБ пайдаланушысы тіпті, суретке сараптама жасап берді:
