Мемлекет басшысы Өскеменнің сол жағалауында жаңадан ашылған «Нұрлы жол» саябағында болды.
-Мұндай тамаша демалыс орнында болу кез келген адамға әсер қалдырады. Жаңа саябақтың қала тұрғындарының сүйікті орынына айналатын болады. Көрген жан көзайым болар тағы бір саябақтың бұл жерден орын алуы өнеркәсіп нысандары мол қала үшін өте маңызды,-деді Елбасы.
Айта кету керек, «Нұрлы жол» саябағы бес гектар аумақты алып жатыр. Онда 500 түп ағаш отырғызу, тұрғындар демалатын аймақтар салу, балалар және спорт алаңдарын ұйымдастыру жоспарланған.
