Мемлекет басшысына қол қоюға ұсынылған “Қазақстан Республикасының Конституциясына өзгертулер мен түзетулер енгізу туралы” заң Конституциялық Кеңеске жіберілді.
2017 жылғы 6 наурызда Қазақстан Республикасының Парламенті “Қазақстан Республикасының Конституциясына өзгерістер мен толықтырулар енгізу туралы” заңды қабылдап, Мемлекет басшысына қол қою үшін ұсынды.
“Конституцияның 72-бабына сәйкес, Нұрсұлтан Назарбаев аталған заңды мемлекеттің қызмет қағидаттары мен басқару нысанына негізделген, Конституцияда белгіленген құндылықтарға сәйкестігі тұрғысынан қарастыру үшін Конституциялық Кеңеске өтініш білдірді”, – делінген Президенттің сайтында.
