Семей қаласының іргесіндегі Суықбастау кентіне баратын жолдағы көпірді су шайып кетті,-деп хабарлады 24.kz
Құртоған өзені бүгін кешке қарай арнасынан асып тас жол үстіне шыққан. Оқиға орнына дереу жеткен мамандар арнайы бекет ұйымдастырып, төтенше жағдайдың салдарын жоюға күш салып жатыр. Әзірге кентке қатынайтын автобустар басқа жолдармен айналып өтетін болады. Ал көпір осыдан екі жыл бұрын күрделі жөндеуден өткен болатын.
Нұржан Есенжолов, қала әкімінің баспасөз хатшысы:
– Семей қаласының Төтенше жағдайлар басқармасы және Семей қаласының басшылығы бірден осында постарды қойып, көпірді уақытша жапты. Абырой болғанда адам шығыны жоқ. Сонымен қатар, Суықбастау кентімен байланыс айналма жолдармен орнатылған.
