Бүгін еліміздің басым бөлігінде жауын-шашын болады.
Кезекті белсенді циклон Батыс Сібірге қарай ауысады. Соған байланысты суық арктикалық және жаңа арктикалық фронттар Қазақстанның ауа райына әсер етеді.
Республика аумағы арқылы жылжыған фронттардың салдарынан жаңбыр жауып, найзағай ойнайды, кей жерлерде бұршақ жауады, күші 15-20 м/с және екпіні 23-28м/с болатын дауылды жел тұрады.
Ақмола, Павлодар, Қарағанды, Жамбыл облыстарының кей жерлерінде жел 15-20 м/с күшейеді.
Батыс Қазақстан, Ақтөбе, Атырау, Қызылорда облыстарында түнде желдің 15-20 м/с күшеюі күтіледі, күндіз жаңбыр жауады.
Шығыс Қазақстан, Қостанай облыстарының кей жерлерінде 15-20 м/с жел соғады.
Солтүстік Қазақстан облысының кей жерлерінде түнде және таңертең тұман болуы ықтимал.
