“ЭКСПО-2017” халықаралық көрмесінің ашылу салтанатына Қытай Халық Республикасының Төрағасы Си Цзиньпинь Қазақстанға ресми сапармен ұшып келді, деп хабарлайды zheruiyq.kz.
Қытай төрағасына Астана әуежайынан ҚР Премьер-Министрінің орынбасары Асқар Мамин мен ҚР Сыртқы істер министрі Қайрат Әбдірахманов қарсы алды.
Еске сала кетейік, Қытай Халық Республикасының Төрағасы Си Цзиньпинь Елбасы Нұрсұлтан Назарбаевтың шақыртуымен 7-10 маусым аралығында Қазақстанда ресми сапармен болады. Сапар барысында Шанхай Ынтымақтастық Ұйымы саммитіне және «ЭКСПО-2017» халықаралық мамандандырылған көрмесінің ашылуына қатысады.
