Мьянмада жоғалып кеткен әскери ұшақ теңізге құлаған. Құтқарушылар теңізден ұшақ сынықтары мен бірнеше жолаушының денесін тапты, деп хабарлайды Baq.kz.
«Біз жоғалған ұшақтың сынықтары мен бірнеше адамның мәйітін теңізден таптық», – деп мәлімдеді Мьянма әскерінің қолбасшысы Мин Аун Хлаинг.
Айта кетсек, Мьянманың оңтүстік жағалауынан Янгонға ұшқан ұшақ Давэй қаласынан батысқа қарай 20 миль қашықтықта радардан жоғалып кетті. Соңғы мәліметтерге сүйенсек, әуе кемесінің бортында 122 адам болған, соның ішінде 15-і бала.
